ليش شوارع الكويت زحمة ؟

تحذير : قد يكون هذا المحتوى يهدر للوقت اذا كان لديك اعمال اخرى يفضل انجازها اولا و بعض النسب الرياضية المذكوره تكون مخمنه او شكل تقريبي

نحن على درايه ان التعداد السكاني بدولة الكويت في وقتنا الراهن قابل للزيادة و نحن الان اكثر من ثلاث مليون نسمه مابين المواطنين و الوافدين  و المركز الاقتصادي او التسوقي يتمركز بمدينة الكويت , حيث بهذه المنطقه فيها اعمال الموظفين و الشركات و الهيئات و المؤسسات

كما قال المثل الروماني “كل الطرق تؤدي الى روما”  كذالك بدولة الكويت طريق فحيحيل السريع و طريق الملك فهد و .. الخ كل هذه الطرق تبدأ من منطقه و تنتهي بمدينة الكويت , كلها تؤدي الى نفس الهدف و الاتجاه مع تغير الاتجاهات و بالتالي سوف تصبح المدينة مكتظفه بالبشر

لما تاخذ مفتاح سيارتك و تدقها سلف بتروح تقضي مشوار مهم او رايح الدوام شي طبيعي او بلهجة اخرى شي بديهي تشوف الشوارع مزدحمه حتى انته بينك و بين نفسك تقول ان الكويت بتصير نفس لاس فيغاس “المدينة التي لاتنام” تطلع الصبح بتروح دوامك شي طبيعي زحمة و اذا كنت راد من دوامك كذالك عادي ان الشارع واقف لكن سالفة ان الشارع واقف كل الاوقات صعبه ماتدري بأي بنك تصرفها العصر زحمة , المغرب زحمة , بليل زحمة , الضحى زحمه , نص الليل زحمه , فوق كل هذا تسمع خبر يضيق خلقك يقولك بامريكا يستعملون القواري حق دواماتهم و شغلهم عشان ينحاشون من الزحمة و يفورون بسبب ان البانزين سعره واصل سعر برميل نفط , و من الناحية الصحية الي مايفكر فيها بعض المواطنين الكويتين ان سواقة القاري وايد زينة من الناحيه الصحية و النفسية و لما تسمع ان دبي فتحوا خط يديد حق منطقة ثانية حق المترو مالهم و احنا حفره حق المترو ماشفنا

ليش شوارعنا زحمه
*سبعين بالأمية السايق يتعبث بتلفونه اثناء القيادة و ثلاثين بالامية يسوق سيارته و يتكلم
*لاهي بتلفونه و يمشي 80 كيلو متر و سرعة الشارع 120 كيلو و النتيجه معطل السير
*يتخذ قرار لا ارادي و مفاجأ لما يوصل صوب المدخل على اليمين و اهوا اقصى اليسار يبي يلف عشان يدخل
*سائق مايعرف البريك من البانزين ماتدري منو معطيه الليسن مسوي مسافه مليون كيلو بينه و بين الي جدامه
*شاب قاعد يدخن و يسمع اغاني و يخز الي يمينه و يساره ويتكلم بالتلفون و ماشي على راحته جنه احد قايله هذا شارع ابوك
*دورية مسفط صبي مغبم سيارته و تشوف الشارع واقف لي اخر الكويت , حزتها تحس مسوين جريمة قتل
*الناس رايحين دواماتهم و شباب متفرغين فراره بالسيارة
*البانزين رخيص مابقى الا لي درجة انه يتوزع من التموين
*الديره كلهم بعد صلاة المغرب بيطلعون بيروحون مدينة الكويت
*الفراره بالسياره وناسة , تاكل بالسيارة , تقز بالسيارة ,
*كثرة العمال الاسيوين
*كثرة الباصات محد مستغلهم و فوق كل هذا الباص عايش دور الموستنق و الكمارو و تشوفه سابقك
* الدائري الرابع ماكو بعد شارع اصغر منه ؟ شارع صغير و كله شاحنات تطوف و السياير الصغيره تمشي اكثر من 120
* السن القانوني لليسن 18 سنة المفروض يكون 21 سنة

هذي تقريبا اغلب اسباب الازدحام و الاختناقات المرورية و مازالت وزارة الداخلية تدرس لحل مشكلة الازدحام المروري

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: